«Համահայկական ճակատ» շարժման առաջնորդ, ՊՆ նախկին նախարար Արշակ Կարապետյանը ֆեյսբուքյան իր էջում գրում է.
Քույրեր և եղբայրներ, սիրելի հայրենակիցներ, փնտրեք դավաճաններին կառավարությունում։ Հիշեք, ինչպես մեզ խաբեցին ելակով, ինչպես գլխատեցին բարձր սպայական կազմին՝ տարբեր սուտ և անհիմն մեղադրանքներով, որոնց համար մինչ այսօր նույնիսկ դատարանը չունի օրինական վճիռներ։ Նրանք թաթախեցին մեր ազգին ու բանակին ստի մեջ, մատաղ արեցին մեր երիտասարդ սերնդին և մինչ այսօր վտանգի մեջ են պահում մեր հայրենիքը։ Իսկ այս ամենից հետո, նայեք ինձ՝ ով, սիրելով իր հայրենիքը և չցանկանալով խորացնել ստի մթնոլորտը հանրապետությունում, հրաման տվեց ոչնչացնել պետական սահմանը խախտած թշնամուն։ Բայց ի՞նչ տեղի ունեցավ. երկրի դավաճան կառավարությունը ազատեց ինձ աշխատանքից։ Հայրենակիցներ, խոհեմ եղեք, վերլուծեք և մտածեք։ Չէ՞ որ այսօր մենք կանգնած ենք մեր երկրի ապագայի համար վճռորոշ կետում։ Եթե հիմա չհասկանանք, թե ովքեր են մեր իսկական թշնամիները ներսում, վաղը կարող է շատ ուշ լինել։ Ժամանակն է սթափվել, պաշտպանել մեր հայրենիքը և ազատվել այն իշխանություններից, որոնք միայն թուլացնում են մեր պետությունը։
