Շուշիի գորգերի թանգարանից՝ 2020 թվականին մեծ դժվարությամբ Հայաստան տեղափոխված 17-րդ դարից մինչև 20-րդ դարի սկիզբ թվագրվող 170 գորգ և 30-ից ավելի խեցեղեն՝ թվագրվող մ.թ.ա. այդպես էլ իրենց տեղը չեն գտնում Հայաստանում։ Տարբեր տեղերում «թափառելուց» հետո հիմա դրանք մասնավոր տարածքում են պահվում։
Գորգերի թանգարանի նախկին տնօրեն Վարդան Ասծատրյանը, խոստովանում է,որ ինքն արդեն վատ է զգում այդ մասին խոսել․
«Ինքս արդեն անհարմար եմ զգում այդ խնդրի մասին շատ խոսել, որովհետև արդեն անլուրջ է, ստացվում է, որ ես խնդրում եմ, որպեսզի մշակութային արժեքները պահպանեն, դա նոնսենս է»,- ասել է նա։
