Այսօր՝ օգոստոսի 26-ին՝ ՀՀ ՆԳՆ ոստիկանությունը բացահայտել է Երևանում առանձնակի դաժանությամբ սպանության դեպք։ Այս մասին հայտնում է shamshyan.com–ը։
Կայքի տեղեկություններով, օրեր առաջ ոստիկանության Նոր Նորքի բաժնի կողմից որպես անհետ կորած որոնվում էր Գեղարքունիքի մարզի բնակիչ 36-ամյա Իշխան Սիմոնյանը։ Վերջինս դուրս էր եկել տանից և չէր վերադարձել։ Երկու օր նրան որոնելուց հետո Ավան և Նոր Նորք վարչական շրջանների քննչական բաժնում «սպանություն» հատկանիշներով նախաձեռնվել է քրեական վարույթ, իսկ նրա մասին տեղեկություններ ունենալու համար ոստիկանությունը հաղորդագրություն էր տարածել։
Ոստիկանները պարզել են, թե վերջին անգամ որտեղ և ում հետ է եղել Ի․ Սիմոնյանը. նա եղել է Արարատի մարզի բնակիչ 25-ամյա Սոկրատ Ս․-ի հետ։ Այսօր՝ օգոստոսի 26-ին, Սոկրատ Ս․-ն հավանաբար տեղեկանալով, որ ոստիկաններն ու քննիչները դուրս են եկել իր հետքի վրա, իսկ ոստիկաններն էլ հսկողության տակ են վերցրել իր բնակության վայրը, այլ ելք չունենալով, ինքնակամ ներկայանում է ոստիկանություն և հայտնում, որ սպանությունը ինքն է կատարել ու պատրաստակամություն է հայտնում մատնացույց անել դեպքի վայրը՝ Ջրվեժ թաղամասից դեպի Նուբարաշեն տանող ճանապարհահատվածը։
Քննիչի որոշմամբ Ս․ Սարգսյանը ձերբակալվել է։ Կայքի տեղեկություններով դատաբժշկի նախնական եզրակացության համաձայն դիակի վրա բռնության հետքեր են հայտնաբերվել։
