Մեկնարկել է Արագածոտնի թեմի առաջնորդ Գերաշնորհ Տեր Մկրտիչ եպիսկոպոս Պռոշյանի և Արագածոտնի թեմի դիվանապետ, Մուղնիի Սուրբ Գևորգ եկեղեցու հոգևոր հովիվ Տեր Գարեգին քահանա Արսենյանի գործով դատական նիստը։
Մկրտիչ Սրբազանի փաստաբանական խմբի անդամ Արա Զոհրաբյանը միջնորդեց Մկրտիչ Սրբազանին թույլատրել ամեն կիրակի, ինչպես նաև յուրաքանչյուր եկեղեցական տոներին՝ ժամը 10։00-ից մինչև 14։00-ն, իր բնակության վայրում գտնվող եկեղեցում մասնակցել Սուրբ և Անմահ պատարագի։
Փաստաբանը միջնորդեց նաև, որ Սրբազանի եղբոր կնոջը՝ Աստղիկ Պռոշյանին, ինչպես նաև եղբոր երեխաներին թույլատրել շփվել Սրբազանի հետ։
Սրբազան Հայրն ատամները բուժելու կարիք ունի. փաստաբանը միջնորդեց Սրբազանին թույլատրել փետրվարի 27-ին ու մարտի 2-ին՝ ժամը 15։00-ից 18։00-ն այցելել Էջմիածնում գտնվող ատամնաբուժարան։
Դատավոր Դաբաղյանը որոշեց թույլատրել, որ Սրբազան Հայրը ատամնաբուժարան այցելի, մյուս միջնորդությունների մասով որոշումներն
