Ռուսաստանի գիտությունների ակադեմիայի Միացյալ երկրաֆիզիկական ծառայության Ալթայ-Սայանի մասնաճյուղի տվյալներով՝ Թուրքիայի հյուսիսում գրանցվել է 5.6 մագնիտուդով երկրաշարժ։
Ալթայ-Սայանի մասնաճյուղի կողմից իրականացված օպերատիվ տվյալների մշակման համաձայն՝ երկրաշարժի էպիկենտրոնը գտնվել է Թուրքիայի Սևծովյան տարածաշրջանի Թոքաթ նահանգի Էրբաա քաղաքից 18 կմ հյուսիս-արևելք։
Էպիկենտրոնում ուժգնության հիման վրա երկրաշարժը գնահատվել է որպես «շատ ուժեղ»։
Եվրոպական-միջերկրածովյան սեյսմոլոգիական կենտրոնը երկրաշարժի ուժգնությունը գնահատել է 5.3։ Եվրոպացի սեյսմոլոգների տվյալներով՝ երկրաշարժի էպիկենտրոնը գտնվել է 6 կմ խորության վրա։
