Լրագրող Ոսկան Սարգսյանը ֆեյսբուքյան իր էջում գրում է.
Իջևան համայնքի Բերքաբեր գյուղի բնակիչները ստորագրահավաք էին կազմակերպել, որով դիմել էին վարչապետ Նիկոլ Փաշինյանին, պահանջելով իրենց գյուղին վերադարձնել Բերքաբերին պատկանող, Ջողազի ջրամբարի ձախ ափին գւտնվող, շուրջ 30 տարի Ադրբեջանի վերահսկողության տակ գտնվող շուրջ 900 հեկտար հողերը։ Բերքաբերից տեղեկացա, որ այդ ստորագրահավաքը նախաձեռնել է Բերքաբերից սերված, պահեստազորի գնդապետ Արայիկ Մադաթյանը։ Բերքաբերի վարչական ղեկավար Տիգրան Հարությունյանին հարցրի, թե ինչ եղավ ստորագրահավաքի ճակատագիրը։ նա ասաց, որ ինքը տեղյակ չէ ստորագրահավաքի ճակատագրից։
