2024 թվականի սեպտեմբերի 24-ին Ադրբեջանի Հանրապետության արտաքին գործերի նախարար Ջեյհուն Բայրամովը ՄԱԿ-ի Գլխավոր ասամբլեայի 79-րդ նստաշրջանի շրջանակներում հանդիպել է Իրանի Իսլամական Հանրապետության արտաքին գործերի նախարար Սեիդ Աբբաս Արաղչիի հետ։
Ընդգծվել է, որ ադրբեջանա-իրանական հարաբերությունների զարգացման համար երկու կողմերի ուժեղ քաղաքական կամքի առկայությունը հիմնարար է, որ Ադրբեջանը լիովին հավատարիմ է բարիդրացիության, իրավահավասարության, փոխադարձ հարգանքի և օգտի վրա հիմնված համագործակցությանը, ընդգծվել է այդ համագործակցությունը շարունակելու և հետագայում զարգացնելու մեր երկրի ջանքերի կարևորությունը:
Ընդգծվել է տնտեսական, առևտրային և հումանիտար ոլորտներում համագործակցության ադրբեջանա-իրանական պետական հանձնաժողովի գործունեության կարևորությունը Ադրբեջանի և Իրանի միջև տարբեր ուղղություններով, այդ թվում՝ տնտեսության, առևտրի, տրանսպորտի և հաղորդակցության ոլորտներում համագործակցության ակտիվացման, փոխադարձ հետաքրքրություն ներկայացնող նախագծերի բացահայտման գործում:
Իրանական կողմը մանրամասն տեղեկացվել է հայ-ադրբեջանական հարաբերությունների կարգավորման գործընթացի մասին: Նշվել է, որ «վերջնական խաղաղության համաձայնագրի կնքման ամենալուրջ խոչընդոտը Հայաստանի Սահմանադրությունն է, ինչպես նաև մի շարք իրավական և քաղաքական փաստաթղթերում Ադրբեջանի նկատմամբ տարածքային պահանջների շարունակումը»:
Նշվել է, որ «Հայաստանում շարունակվող ռևանշիստական միտումների ֆոնին Հայաստանի արագ ռազմականացումը և տարբեր պետությունների կողմից Հայաստանին ռազմական աջակցության ավելացումը վնասում են տարածաշրջանում անվտանգության և կայունության ապահովմանն ուղղված ջանքերին»:
