Մենք ամենօրյա ռեժիմով աշխատում ենք Ադրբեջանում պահվող հայերի խնդրի շուրջ։ Այս մասին հոկտեմբերի 16-ին լրագրողների հետ զրույցում հայտարարել է Հայաստանի վարչապետ Նիկոլ Փաշինյանը։
Նա վստահեցրել է, որ իշխանությունները առավելագույն ջանքեր են գործադրում կոնկրետ լուծումներ ստանալու համար։ «Քանի դեռ այդ արդյունքները չկան, ես դրանց մասին չեմ հայտարարում», — նշել է նա։
Փաշինյանը հայտնել է, որ Ադրբեջանի նախագահի հետ շփումները պարբերական բնույթ են կրում, հատկապես օգոստոսի 8-ին ստորագրված փաստաթղթի արդյունքում «խաղաղության հաստատումից» հետո։
Վարչապետը հավելել է, որ եթե որևէ կոնկրետ արդյունք լինի, ինքը նույնպես կհաղորդի այդ մասին։
