«Կառավարության էս մոտեցումն ուղղակի Հայաստանում պաշտպանական ինստիտուտը կպայթեցնի»,- ՀՀ հարկային օրենսգրքում փոփոխություններ կատարելու վերաբերյալ խորհրդարանական լսումների ժամանակ ասաց ԱԺ «Հայաստան» խմբակցության պատգամավոր Գեղամ Մանուկյանը՝ հավելելով, որ եթե հիմա որոշ փաստաբաններ վարձատրվող աշխատանքից բացի նաև անվճար ծառայություններ են մատուցում, ապա հարկային օրենսգրքի փոփոխման դեպքում այլևս անվճար փաստաբաններ չեն լինելու: «Վաղը բյուջեի մասին մտածող կառավարությունը գալու է բյուջեի հաջորդ տարվա նախագծով ասի՝ եկեք հանրային պաշտպանության ինստիտուտի բյուջեն 4 անգամ ավելացնենք, որովհետև մենք հարկելու ենք փաստաբաններին, փաստաբանները անվճար ծառայություն չեն մատուցելու, և էդ ամբողջ բեռը մնալու է ՄԻՊ գրասենյակի, Հանրային պաշտպանների ինստիտուտի վրա: Ստիպված պետք է շատ ավելի հանրային պաշտպաններ վարձենք՝ ունքի տեղը աչքն էլ ենք հանելու»,- նշեց Ստեփանյանը:
