Թուրքիայում 3,9 մագնիտուդ ուժգնությամբ երկրաշարժ է տեղի ունեցել, հայտնել է Միջերկրական սեյսմոլոգիական կենտրոնը (EMSC):
Ըստ տեղեկությունների՝ 3,9 մագնիտուդով երկրաշարժը գրանցվել է Բոլու նահանգում տեղական ժամանակով ժամը 7:31-ին: Երկրաշարժի էպիկենտրոնը գտնվել է Մեսիջելե գյուղի մոտ, երկրաշարժի օջախը՝ 6 կիլոմետր խորության վրա։
Մի քանի րոպե անց Չուքուրրեն գյուղի մոտ 3,1 մագնիտուդ ուժգնությամբ հետցնցում է գրանցվել։ Տուժածների և ավերածությունների մասին տեղեկություններ չկան։
