Արդեն երկար ժամանակ է՝ Հայաստան-Վրաստան սահմանին՝ վրացական Սադախլո բնակավայրում, հարյուրավոր բեռնատարների վարորդներ օրերով սպասում են, որ իրենց հերթը գա ու կարողանան մուտք գործել Հայաստան։ Հայտնում է SHAMSHYAN.com-ը:
SHAMSHYAN.com-ի թղթակցի հետ զրույցում վարորդներից Պարգև Ենոքյանը ասաց․ «Արդեն մի քանի օր է՝ անիմաստ կանգնած ենք, քանի որ հայկական «տամոժնյան» չի աշխատում։ Այստեղ ասում են, որ կարող են մեզ բաց թողնել, բայց քանի որ սահմանային կամուրջը ամբողջությամբ բեռնատարներ են, պետք է նախ կամրջի բեռնատարները գնան, նոր մենք։ Էլ չգիտենք՝ ինչ անենք։ Էս 2 օրվա մեջ ընդամենը 20 բեռնատար է հատել սահմանը։ Տուն, տեղ թողած հազարավոր կիլոմետրեր կտրում, անցնում ենք, որ սահմանը հատենք ու գնանք, հասնենք մեր ընտանիքներին, բայց գալիս ենք ու պարզվում է՝ մեր «տամոժնյան» շատ վատ ա աշխատում ու ստիպված ենք օրերով սպասել, որ մեզ թողնեն մուտք գործենք Հայաստան։ Էս պահին ստեղի բոլոր «ստայանկեքում» միասին մոտ 700 բեռնատար կա կուտակված»։
