Առաջիկա շաբաթներին կիմանան՝ արդյոք ՌԴ-ն պատրա՞ստ է պատրաստ է վերջ դնել պատերազմին. այս մասին, RBC-Ukraine-ի փխանցմամբ, ասել է ԱՄՆ պետքարտուղար Մարկո Ռուբիոյին ՆԱՏՕ-ի անդամ պետությունների ԱԳ նախարարների հանդիպումից հետո կայացած մամուլի ասուլիսի ժամանակ։
Ռուբիոյի խոսքով՝ Սպիտակ տան ղեկավար Դոնալդ Թրամփը ցանկանում է որքան հնարավոր է շուտ ավարտել պատերազմը։ Միևնույն ժամանակ, դա հնարավոր է միայն իրականացնել երկու կողմերի համար ընդունելի պայմաններով։
«Եվ մենք այժմ գտնվում ենք այդ պայմանները գտնելու գործընթացում: Մենք շուտով շաբաթների, ոչ թե ամիսների ընթացքում, կիմանանք՝ արդյոք Ռուսաստանը պատրա՞ստ է խաղաղության: Եթե այո, ապա մենք կարող ենք վերջ տալ պատերազմին, մենք պետք է առաջ տանենք մեր առաջարկը», — հավելել է նա:
Պետքարտուղարը նշել է, որ Վաշինգտոնը պետք է իմանա Մոսկվայի որոշումը։
Պետքարտուղարության ղեկավարի խոսքով՝ Ուկրաինան արդեն ցույց է տվել, որ պատրաստ է ինչպես հրադադարի, այնպես էլ բանակցությունների։ Հիմա ԱՄՆ-ն սպասում է Ռուսաստանի ոչ թե խոսքերին, այլ գործողություններին:
«Եթե լինի ձգձգելու մարտավարություն, դա մեզ չի հետաքրքրի, Թրամփը չի մասնակցի անվերջ բանակցություններին: Մենք շուտով կիմանանք, թե արդյոք Ռուսաստանը լրջորեն է վերաբերվում խաղաղությանը: Եթե այո, հիանալի, եթե ոչ, մենք պետք է վերագնահատենք մեր դիրքորոշումը և մեր անելիքները», — ասել է նա:
Ներկայում ԱՄՆ-ն կապի մեջ է Ուկրաինայի և Ռուսաստանի հետ՝ օգնելու երկու երկրներին դադարեցնել պատերազմը:
