«Չափացանց անհրաժեշտություն է Արցախի ժողովրդի վերադարձի հարցը լուծելը, այսինքն՝ ստեղծել այնպիսի պայմաններ, որ և՛ անվտանգության առումով, և՛ միջազգային բոլոր նորմերի պահպանման առումով արցախցիները հնարավորություն ունենան հետ վերադառնալու»,- «Եռաբլուր» զինվորական պանթեոնում, լրագրողների հետ զրույցում, ասել է ԱԺ «Հայաստան» խմբակցության պատգամավոր Սեյրան Օհանյանը։ Նրա խոսքով՝ հայ-ադրբեջանական հակամարտությունը, ըստ էության, չի ավարտվել, խաղաղության նախապայմաններ չկան։
