Գյումրու քաղաքապետ Վարդան Ղուկասյանը չի տեսել մի երկիր, որն այդքան հոգս պատճառի իր ժողովրդին։
«Ինձ կարո՞ղ եք ցույց տալ մի երկիր աշխարհի տակ, որ այսքան դատական խնդիրներ առաջացնի իր ժողովրդի նկատմամբ՝ բացի Հայաստանից, մտածում եմ՝ ի՞նչն է պատճառը։ Հավանական է, որ ուզում են երկիրը դատարկել»,- լրագրողների հետ զրույցում այսօր հայտարարեց նա։
Ղուկասյանը նշեց, թե մոտավորապես 50 դիմում է գրել վարչապետ Նիկոլ Փաշինյանին՝ Գյումրու խնդիրների վերաբերյալ։
«Արայիկ կա ինչ-որ (նկատի ունի վարչապետի աշխատակազմի ղեկավարին-հեղ.), պատասխանում է, որ դիմումներն ուղարկեք մարզպետարան։ Հլը պատկերացրեք՝ երկրորդ քաղաքի քաղաքապետը չի կարող վարչապետին գրություն ուղարկել, հլը չինովնիկական դաստիարակությանը նայեք»,- ընդգծեց Ղուկասյանը։
