«Հանրապետություն» կուսակցության ղեկավար Արամ Սարգսյանի սպանությունը նախապատրաստելու մեջ մեղադրվող Արարատի բնակիչ Ստեփան Սամվելյանին դատարանը 2 ամսով կալանավորել է։ Այս մասին «Հրապարակ»-ին հայտնեցին Քննչական կոմիտեից։
Հիշեցնենք, որ Քննչական կոմիտեի վարույթում քննվում է Քրեական օրենսգրքի 43-155-րդ հոդվածի և 335-ի 1-ին մասի հոդվածների հատկանիշներով նախաձեռնված վարույթ, որի շրջանակներում Արարատի մարզի բնակիչ Ստեփան Սամվելյանը մեղադրվում է Արամ Սարգսյանի սպանությունը նախապատրաստելու և հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության համար։
