«ԱՊՀ երկրները մեր ամենամոտ հարևաններն են, բարեկամներն ու ռազմավարական գործընկերները»․ Պուտին

ԱՊՀ շրջանակներում փոխգործակցությունը Ռուսաստանի արտաքին քաղաքականության առաջնահերթությունն է, Ռուսաստանի նպատակն է ամրապնդել համագործակցությունը, հայտարարել է ՌԴ նախագահ Վլադիմիր Պուտինը՝ ԱՊՀ անդամ պետությունների ղեկավարների խորհրդի նիստի բացման ժամանակ։

«Ուզում եմ ընդգծել, որ ԱՊՀ շրջանակներում փոխգործակցությունը Ռուսաստանի արտաքին քաղաքականության հիմնական առաջնահերթություններից է։ ԱՊՀ երկրները մեր ամենամոտ հարևաններն են, բարեկամներն ու ռազմավարական գործընկերները։ Մենք, բնականաբար, ցանկանում ենք ամրապնդել համագործակցությունը»,- ասել է Պուտինը։