Անշարժ գույքի շուկայում գների անկումը չափավոր է. հրավիրված ասուլիսին ասաց ԿԲ նախագահ Մարտին Գալստյանը։
«Անշարժ գույքի շուկայի մասին վերջին չորս հաշվետվությունների մեջ ԿԲ-ն խոսել է հնարավոր գների անկման ռիսկի վերաբերյալ, բայց, բարեբախտաբար, այս պահին գների անկում, եթե կա, ապա չափավոր է և տեղի է ունենում կանխատեսելի հանդարտ հետագծով, որի համար մենք որևէ հավելյալ ռիսկեր այս պահին չենք տեսնում, որովհետև ՀՀ-ում տնտեսական ակտիվության որոշակի արագացում կա»,-ասաց նա։
Ինչ վերաբերում է առաջարկի և պահանջարկի դիսբալանսին երկու տարի հետո, ապա, ըստ Գալստյանի, դեռևս շուտ է ասել․«Կարծում եմ պետք է ապրենք և տեսնենք, թե ինչ զարգացումներ տեղի կունենան, որովհետև անշարժ գույքի շուկան ածանցվում է այլ գործոններից, և դժվար է երկու տարի հետոյի համար որևէ բան ասել»։
