Իսպանիայում տեղի ունեցած սարսափելի ջրհեղեղի հետևանքով առնվազն 95 մարդ է զոհվել։ Սա երկրում տեղի ունացած ամենավատ բնական աղետն է 1973 թվականից ի վեր:
Երկրի իշխանությունները եռօրյա սուգ են հայտարարել, ինչպես նաև խոստացել են անհրաժեշտ օգնություն ցուցաբերել տուժած շրջանների բնակիչներին։ Իսպանիայի պաշտպանության նախարար Մարգարիտա Ռոբլեսը երկրում տեղի ունեցած բնական աղետն աննախադեպ է անվանել։
Իշխանությունները զգուշացրել են, որ զոհերի թիվը կարող է աճել։
