ԱՄՆ-ն խախտել է ՄԱԿ-ի կանոնադրությունը. Իրանի ԱԳՆ-ի մեղադրանքը

Իրանի արտաքին գործերի նախարար Աբբաս Արաղչին X-ի իր միկրոբլոգում հայտարարել է, որ ԱՄՆ-ի կողմից իրանական միջուկային օբյեկտների վրա հարձակումը կունենա հեռուն գնացող հետևանքներ, և Իրանը իրավունք է վերապահում պաշտպանել իր շահերը ինքնապաշտպանության միջոցով։

«Ամերիկայի Միացյալ Նահանգները, լինելով ՄԱԿ-ի Անվտանգության խորհրդի մշտական ​​անդամ, լրջորեն խախտել է ՄԱԿ-ի կանոնադրությունը, միջազգային իրավունքը և Միջուկային զենքի չտարածման մասին համաձայնագիրը՝ հարձակվելով Իրանի խաղաղ միջուկային օբյեկտների վրա։

Այսօր առավոտյան տեղի ունեցած իրադարձությունները վրդովեցուցիչ են և կունենան հեռուն գնացող հետևանքներ: