ԱՄՆ նորընտիր նախագահ Դոնալդ Թրամփը Fox News-ին տված հարցազրույցում ափսոսանք է հայտնել, որ մինչև պաշտոնը լքելը Ջո Բայդենն ինքն իրեն ներում չի շնորհել։
«Նա բոլորին ներում է շնորհել: Բայց ամենազավեշտալին, կամ թերևս ամենատխուրն այն է, որ նա իրեն ներում չի շնորհել: Բայց եթե ուշադիր նայենք, ամեն ինչ նրա հետ է կապված»,- ասել է Թրամփը:
Միաժամանակ Թրամփը չի բացառել, որ Կոնգրեսը հետաքննություն կանցկացնի ԱՄՆ նախկին նախագահ Ջո Բայդենի նկատմամբ։
Հունվարի 20-ին հայտնի դարձավ, որ Բայդենը կանխարգելիչ կերպով ներում է շնորհել մի քանի մարդկանց, որոնց Թրամփը սպառնացել էր քրեական պատասխանատվության ենթարկել, այդ թվում իր ընտանիքի անդամներին, իսկ դեկտեմբերին՝ իր որդուն։
