Ադրբեջանի նախագահ Իլհամ Ալիևը ստորագրել է կարգադրություն, որով երկրի էներգետիկայի նախարարությունը 2 միլիոն դոլար է հատկացրել՝ Ուկրաինային մարդասիրական օգնություն ցուցաբերելու նպատակով։ Համապատասխան հրամանը հրապարակվել է նախագահի կայքում։
Փաստաթղթի համաձայն՝ միջոցները նախատեսված են Ադրբեջանում մարդասիրական օգնության կարգով արտադրված էլեկտրական սարքավորումների գնման և Ուկրաինա առաքման համար։
Փետրվարի 5-ին Ադրբեջանի նախագահը որոշում է կայացրել, որով երկրի էներգետիկայի նախարարությունը 1 միլիոն դոլար է հատկացրել Ուկրաինային մարդասիրական օգնություն տրամադրելու համար։ Այս միջոցները նախատեսված են եղել Ադրբեջանում արտադրված էլեկտրական սարքավորումներ գնելու և Ուկրաինա ուղարկելու համար։
