Լրագրող Ոսկան Սարգսյանի ֆեյսբուքյան գրառումը․ «Ադրբեջանը ստերով հիմքեր է ստեղծում Հայաստանի հանդեպ նոր ոտնձգությունների, հարձակվելու համար
Ադրբեջանի ՊՆ հաղորդել է․ «Հայաստանի զինված ուժերը հունվարի 5-ի ժամը 22․00-ից մինչև 22․10 Գորիսի շրջանի Դիգի և Խանածախի ուղղությամբ գտնվող դիրքերից հրաձգային զեքներից պարբերաբար գնդակոծել են Լաչինի շրջանի Զաբուխ և Ջագազուր բնակավայերում գտնվող ադրբեջանական բանակի դիրքերը»։ Ադրբեջանը ապատեղեկատվություն տարածելով Հայաստանի զինված ուժերի կողմից գնդակոծության մասին՝ քարոզչական, տեղեկատվական հիմք է նախապատրաստում Հայաստանի հանդեպ նոր ոտնձգությունների, հարձակվելու համար։ Նիկոլ Փաշինյանn ու ՔՊ-ականները անընդհատ հայտարարում են Ադրբեջանի հետ խաղաղության օրակարգի, խաղաղության պայմանագրի, խաղաղության խաչմերուկի մասին, սակայն Ադրբեջանը Հայաստանի հետ կայուն, արդար խաղաղություն հաստատելու ծրագիր չունի»։
