Նոյեմբերի 10-ին Աբովյան քաղաքում սպանություն էր տեղի ունեցել: Սպանվել էր 24-ամյա Սարգիս Զեյնալյանը:
Աբովյանում սպանություն կատարած անձանց նկատմամբ որպես խափանման միջոց կիրառվել է կալանք՝ երկու ամիս ժամկետով:
Նշենք՝ կալանավորվածները Աբովյան քաղաքի բնակիչներ են՝ եղբայրներ 42-ամյա Ա. և 34-ամյա Բ. Սոխրաբյանցները:
Հիշեցնենք, որ նոյեմբերի 10-ին Աբովյան քաղաքում սպանություն և սպանության փորձ էր տեղի ունեցել քաղաքի ամենամարդաշատ վայրում, այդ թվում տարեցների և երեխաների աչքի առաջ: Մինչ այդ՝ ամիսներ առաջ, Գինու փառատոնի օրը միջադեպ էր տեղի ունեցել սպանվածի և կասկածյալի միջև, որն այնուհետև օրեր անց շարունակվել էր Աբովյան քաղաքում, ինչն էլ դարձել էր 24-ամյա երիտասարդի մահվան պատճառ:
