Պետական բյուջեով չենք ուզում, ուզում ենք մեր ֆինանսավորմամբ, և խնդրում եմ՝ շուտ անենք, էլ չի կարելի ձգել։ Այս մասին, այսօր՝ հունիսի 3-ին, Երևանի քաղաքապետարանում գործակարգավարական նիստի ժամանակ ասաց քաղաքապետ Տիգրան Ավինյանը՝ Սուրմալու առևտրի կենտրոնի հարակից հատվածում մետրոյի կայարանի կառուցման մասին հարցի զեկուցման ընթացքում։
Նա թույլ չտվեց, որ զեկուցողը շարունակի թեման։ Այդ ընթացքում զեկուցողը նշում էր, որ այդ հարցով որոշ տակտիկական վերանայումներ ունեն, և գնում էին առաջ այն տրամաբանությամբ, որ պետական բյուջեով գումարներ կային նախատեսված։
