Կիրանցի բնակիչ Գոհար Վարդանյանը ֆեյսբուքյան իր էջում գրում է.
Նիկոլ Փաշինյանը Ազգային ժողովի ամբիոնից մեղադրում է ընդդիմությանը, արցախցիներին «2 ժամում հանձնվելու» և «ՀՀ ժողովրդի զրկանքների գնով ձեռք բերված մի քանի միլիարդ դոլարի զենքը սարքին, կարգին, յուղած վիճակում Ադրբեջանին հանձնելու» մեջ…
Մեղադրում է այն մարդը, ով կիրանցեցիներին ասում էր՝ եթե չտանք էդ հողերը պատերազմ է սկսվելու.. Կիրանցից Ադրբեջանն է հարձակվելու, Արարատի մարզից Թուրքիան, Պակիստանն ու Ռուսաստանն էլ չգիտեմ որտեղից:
Մեղադրում է այն մարդը, ով Տավուշի տարիներով կառուցված մարտական դիրքերը մեկ ստորագրությամբ հանձնեց Ադրբեջանին:
Մեղադրում է այն մարդը, ով Ադրբեջանին հանձնեց ճանապարհ ու կամուրջ, (կադաստրով Հայաստան) ու այսօր ՀՀ ժողովուրդի զրկանքներով տված հարկերից, արտաքին պարտք ավելացնելով միլիարդավոր դրամներ է ծախսում նոր ճանապարհներ ու կամուրջ կառուցելու համար:
Եւ հռետորական հարց, որ արցախցիները շարունակեին կռվել, Արցախի վրա Թուրքիան ու Իսրայելը չէին հարձակվելու՞:
