Մենք մեր պայքարի վճռական փուլ ենք մտել, պարզ է, որ այս իշխանությունները ձեռքները ծալած չեն նստելու եւ չեն նստել, ինֆորմացիոն տեղեկատվական դաշտում այս երկու ամսի տվայտվում են` ինչ-որ բաներ անելու, չի ստացվում: Այս մասին այսօր` հունիսի 8-ին, Վանաձորում ընթացող հանրահավաքին ասաց Բագրատ Սրբազանը:
«Նույնիսկ նրանցից մեկը նախորդ օրն ասել է, որ ԱԱԾ-ն չի կարող որոշել` ով է գործակալ, տաղանդ: Էն մյուսին դատական գործընթացներով ինչ-որ բան են պարտադրում, ասում է` դատարանը չի կարող ինձ ինչ-որ բան պարտադրել: 30 -40 հոգով մարդ են ծեծում ջարդում, ոչ մի բան, երեխայի երեսին ոստիկանի կոշիկի հետքն են դաջում, էլի ոչ մի բան: Եւ սա վերստին հաստատում է, որ մեր երկրում գործում է մեկ հոգու քմահաճույքը եւ նա պետք է հեռանա եւ քանի որ չի ուզում հեռանա, պետք է հեռացվի եւ հեռացվելու է»,- ասաց նա:
Բագրատ Սրբազանը նաեւ ասաց, որ հունիսի 9-ը ամենաառանցքային օրն է, սակայն պայքարի վերջին օրը չէ:
Բագրատ Սրբազանը նաեւ շնորհակալություն հայտնեց հավաքվածներին եւ նրանց բոլորին հրավիրեց մասնակցելու հունիսի 9-ին` ժամը 18:00-ին, Հանրապետության հրապարակում:
