Հայաստանն ընդունել է ՆԱՏՕ-ի գագաթնաժողովին մասնակցելու հրավերը.
Հայաստանն ստացել է Վաշինգտոնում ՆԱՏՕ-ի գագաթնաժողովի՝ գործընկերների ձևաչափով միջոցառմանը և կազմակերպության 75-ամյակին նվիրված հարակից միջոցառումներին մասնակցելու հրավեր։ Այս մասին «Փաստինֆո»-ին հետ զրույցում ասաց ՀՀ ԱԳՆ խոսնակ Անի Բադալյանը:
«Հայաստանը հաստատել է մասնակցությունը: Այլ պայմանավորվածություն այս պահին չկա»:
Նշենք, որ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենն այսօր Բաքվում հայտարարել է, որ Ադրբեջանին եւս հրավիրել են այդ գագաթնաժողովին։ Ավելին, հայտնել ԱՄՆ-ի պատրաստակամությունը Վաշինգտոնում կազմակերպել Հայաստանի ու Ադրբեջանի արտգործնախարարների հանդիպումը։
