Ինչպես հայտնել էինք, այսօր՝ հուլիսի 29-ին, ողբերգական դեպք էր տեղի ունեցել Երևանում։ Ժամը 12:50-ի սահմաններում «Mercedes» մակնիշի բեռնատարն Աճառյան փողոցում, «Հարսնաքար» ռեստորանային համալիրի հարևանությամբ վարերթի էր ենթարկել 3 հետիոտնի։ Վրաերթի ենթարկվածներից 2-ը տեղում մահացել էին, 1-ը տեղափոխվել էր «Սուրբ Գրիգոր Լուսավորիչ» բժշկական կենտրոն։ Դեպքի վայր ժամանած շտապօգնության խումբը արձանագրել էր 2 հետիոտնի մահը, իսկ մյուսին տեղում առաջին բուժօգնություն ցուցաբերել, ապա տեղափոխել հիվանդանոց։ Դեպքի վայրում հավաքվածները նշել էին, որ մահացածներն ամուսիններ են, իսկ վիրավորը նրանց որդին է։
