Իսրայելն ավիահարվածներ է հասցրել Գազայի հատվածի հարավում գտնվող Խան Յունիսի ալ-Մավասի շրջանին, ինչի հետևանքով կան տասնյակ զոհեր ու հարյուրավոր վիրավորներ։ Այս մասին տեղեկացնում է ՌԻԱ Նովոստին՝ Գազայի առողջապահության նախարարությանը հղումով։
Գերատեսչության տվյալներով՝ զոհերի թիվը հասել է 71-ի, իսկ վիրավորներինը՝ 289-ի։ Հաղորդագրության համաձայն զոհերը քաղաքաքացիական անձինք են ու պատերազմի հետևանքով տեղահանվածներ։ Նշվում է նաև, որ վիրավորներից շատերը լուրջ վնասվածքներ են ստացել։
Ավելի վաղ հաղորդվում էր, որ հարձակման հետևանքով զոհվել է քսամ մարդ, տուժել՝ ավելի քան 90-ը։ Իսրայելական «Գալեյ Ցախալ» բանակային ռադիոկայանը հաղորդմամբ՝ ավիահարվածների թիրախը պաղեստինյան ՀԱՄԱՍ շարժման ռազմական թևի ղեկավար Մուհամմադ Դեյֆն էր։
