Հարցին հարցով պատասխանեմ՝ բարձրացվո՞ւմ է Բաքվի բանտում գտնվող Ռուբեն Վարդանյանի ազատ արձակման հարցը՝ հայ-ադրբեջանական շփումներում։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով լրագրողի հարցին, թե արդյոք հարցը քննարկվում է ռուս-ադրբեջանական շփումներում։
«Եթե նման ինֆորմացիա տրամադրեք, կարծում եմ, հետաքրքիր և օգտակար կլինի այդ մասին իմանալ։ Եվս մեկ անգամ հիշեցնեմ, որ Ռուբեն Վարդանյանը հրաժարվել է ՌԴ քաղաքացիությունից, դա արել է բացահայտ, դա չճշտված ինֆորմացիա չէ։ Հարցը պետք է ուղղել Երևանին և Բաքվին։ Հիշեցնեմ նաև, որ Ռուսաստանը հանդես է գալիս հայ-ադրբեջանական հարաբերությունների ամբողջական կարգավորման օգտին»,- ասել է նա։
