Օկուպացված Արցախի Ստեփանակերտ քաղաքում, ըստ Ադրբեջանի նախագահ Իլհամ Ալիևի ներկայացուցիչ Էլչին Յուսուբովի, բնակվում է ավելի քան 3000 մարդ։ Յուսուբովի խոսքով՝ նրանց թվում են պետական ձեռնարկությունների աշխատակիցներ, բիզնեսով զբաղվող անձինք։
«Քաղաքում գործում է 43 օբյեկտ, որտեղ աշխատում է 322 մարդ, նախատեսվում է բացել ևս 37 օբյեկտ։ Ղարաբաղի համալսարանի բացումից հետո բնակիչների թիվը կավելանա»,- ասել է նա։
Բացի այդ, ադրբեջանական լրատվամիջոցները գրում են, որ այս պահին Ստեփանակերտում դատախազության շենքի բացման միջոցառում է ընթանում, որին ներկա են Ադրբեջանի գլխավոր դատախազութան առաջատար դեմքերը, պատգամավորներ, ՀԿ ներկայացուցիչներ։
