TASS գործակալության տեղեկացմամբ՝ Իրանը որոշել է փակել Իրաքյան Քրդստանի հետ ցամաքային սահմանը: Դա պայմանավորված է Իրաքյան Քրդստանի անկախության հանրաքվեով, որն անցկացվել է սեպտեմբերի 25-ին։
Հիշեցնենք, որ այդ հանրաքվեով ավելի քան 3 մլն քուրդ կամ ձայների 90 տոկոսը կողմ է հանդես եկել Իրաքի կազմից ինքնավարության դուրս գալուն։
Հանրաքվեի արդյունքները չեն ճանաչել շատ պետություններ, այդ թվում Թուրքիան, Իրանն ու Իրաքը։
Մասնավորապես, Թեհրանը վստահ է, որ հանրաքվեն ծառայել է Վաշինգտոնի և Թել Ավիվի շահերին, որոնք ցանկանում են տարածաշրջանում նոր Իսրայելի ստեղծում։
