«Գրեմմի» մրցանակակիր Դիոնը օրեր առաջ երկարատև դադարից հետո թողարկել էր իր նոր՝ «Խիզախություն» (Courage) երգը:
Երգչուհին արդեն մեկնարկել է իր համերգային շրջագայությունը, որի շրջանակում հաջորդ շաբաթ ելույթ կունենա Մոնրեալում, որտեղ Դիոնը ամուսնացել էր իր հանգուցյալ ամուսնու հետ:
Ռենե Անջելիլի ու Սելին Դիոնի ամուսնական կյանքը տևել է 20 տարի, իսկ ծանոթ են եղել ավելի երկար: Նրանք առաջին անգամ հանդիպել են, երբ Սելին Դիոնը եղել է 12 տարեկան, իսկ Անջելիլը՝ 38: Անջելիլը երաժշտական պրոդյուսեր էր, հենց նա է նկատել աղջնակի տաղանդը: Նրանց սիրավեպը սկսվել է 7-8 տարի անց:
«Ծանր է տեսնել, թե ինչպես է կյանքիդ տղամարդը մահանում… Իմ ամենասիրելի մարդը Երկիր մոլորակի վրա, միակ տղամարդը, որին ես համբուրել ու սիրել եմ…»,- հարցազրույցներից մեկի ժամանակ հայտնել էր երգչուհին:
