Երևանի ընդհանուր իրավասությունների դատարանում դատավոր Աննա Դանիբեկյանի նախագահությամբ, շարունակվում է ՀՀ երկրորդ նախագահ Ռոբերտ Քոչարյանի և այլ նախկին բարձրաստիճան պաշտոնյաների գործով հերթական նիստը։ Դատարանի դիմաց ակցիա է ի պաշտպանություն երկրորդ նախագահի։ Նիստերի դահլիճում սովորականի համաձայն՝ ՀՀ երկրորդ նախագահի աջակիցներն ու ընդդեմ քաղաքացիները դարձյալ բախվել են: Այս անգամ դատական կարգադրիչները կարծես հրաժարվել էին դիտորդի կարգավիճակից. դուրս հրավիրվեցին սահմանված կարգը խախտողները:
Հիշեցնենք, Ռոբերտ Քոչարյանի փաստաբան Հայկ Ալումյանը նախորդ նիստին հայտարարել էր, որ եթե կարգադրիչները շարունակեն իրենց դիտորդի պես պահել, ինքը ուղիղ եթերում կվիրավորի իրենց վերադասին:
