Սերժ Սարգսյանը Աբդուլա Գյուլի առաջ մարեց Ծիծեռնակաբերդի լույսերը, ինչու ձեզ չէիք ճղղում

Որտե՞ղ էր «ստամբուլյանի» շպանան, երբ Սերժ Սարգսյանը Թուրքիայի նախագահի առաջ մարեց Ծիծեռնակաբերդի լույսերը

Ստամբուլյան կոնվենցիան մանրակրկիտ չեմ ուսումնասիրել, քանզի այն ըստ իս այս պահին օրակարգային խնդիր չէ մեր երկրի համար: Գոյություն ունի սակայն մի բայց, որը վտանգավոր լինելուց բացի արդեն զզվանք է առաջացնում:

Խոսքս վերաբերում է այն շպանային, որն ինքն իրեն ազգային գաղափարների կրող հռչակելով փորձում է լվանալ հասարակության ուղեղը և խարխլել պետության: Միայն այն, որ Ստամբուլյան կոնվեցիային ընդիմանում են Մալյան Նարեկը, Չախալյանը Վահագը, ՀՀԿ-ի մնացուկները, Քոչարյանի «խեռոսները», մարդիկ, որոնք չգիտեն, որ Ստամբուլը Թուրքիայի մայրաքաղաքը չէ, հերիք է պնդելու, որ տեղի ունեցող գործընթացը ոչ այլ ինչ է, քան հերթական ստոր պայքարը ժողովրդավարության և ժողովրդի իշխանության դեմ: Նշված շպանան, չի կարող գործել ի շահ Հայաստանի, ուղղակի չի կարող:

Եթե նույնիսկ Ստամբուլյան կոնվենցիայում կան անընդունելի կետեր, ապա շպանայի ընդդիմանալու փաստը շատերի մոտ ակամայից փոխում է վերաբերմունքը դրա նկատմամբ:

Մեր ազգային գաղափարների համար պայքարող «առաջամարտիկներ», որտե՞ղ էիք, երբ 2008 թվականի սեպտեմբերին ձեր «պապաներից» Սերժ Սարգսյանը, Թուրքիայի նախագահ Աբդուլա Գյուլի առաջ մարեց Ծիծեռնակաբերդի լույսերը:

Եթե չեք հիշում, կհիշեցնեմ: Գյուլը եկել էր Երևան դիտելու Հայաստան-Թուրքիա ֆուտբոլային հանդիպումը՝ սկիզբ դնելով այպես կոչված ֆուտբոլային դիվանագիտությանը: Հանդիպումը տեղի ունեցավ սեպտեմբերի 6-ին «Հրազդան» մարզադաշտում: Ծիծեռնակաբերդի հուշահամալիրը տեսանելի է մարզադաշտի գրեթե բոլոր հատվածներից: Հանդիպման ժամանակ սակայն հուշահամալիրը չէր երևում, քանի որ անջատված էր Ծիծեռնակաբերդի այդ հատվածի լուսավորությունը:

Ինչո՞ւ այդ ժամանակ ձեզ չէիք ճղղում, ու ասում՝ Սերժ Ազատիչ, էս ի՞նչ արեցիք: Բա ասեիք, երթեր ու պիկետներ անեիք․․․: Ասեիք որ հիմա մարդիկ ձեզ չասեին, «էդ չեք արա․․․»:

Դավիթ Ջալալյանի ֆեյսբուքյան էջից