Search
Close this search box.

Բաբաջանյանի հաղորդման հիման վրա ՀՔԾ-ում քրգործ է հարուցվել իշխանությունը յուրացնելու հոդվածով

ՀՀ ԱԺ պատգամավոր Արման Բաբաջանյանի կողմից ՀՀ գլխավոր դատախազին հաղորդում է ներկայացվել մի խումբ պաշտոնատար անձանց կողմից պետական իշխանությունը յուրացնելու առերևույթ հանցագործության դեպքի կապակցությամբ:

Հաղորդման հիման վրա ՀՀ հատուկ քննչական ծառայությունում նախապատրաստված նյութերով որոշում է կայացվել ՀՀ քրեական օրենսգրքի 300-րդ հոդվածի 1-ին մասով քրեական գործ հարուցելու մասին:

Կատարվում է նախաքննություն:

Հիշեցնենք՝ շաբաթներ առաջ Արման Բաբաջանյանը դիմում էր ներկայացրել գլխավոր դատախազին՝ պնդելով, որ Հրայր Թովմասյանը յուրացրել է ՍԴ նախագահի պաշտոնը՝ կիրառելով հանցավոր սխեմաներ: