Search
Close this search box.

Ինչու է ուռուցքաբանության կենտրոնի «բռնցքամարտիկ» տնօրենը կոտրել բժշկի քիթը

«Ժողովուրդ» թերթը գրում է. «Վ. Ֆանարջյանի անվան ուռուցքաբանության կենտրոնի տնօրենի ժՊ Նարեկ Մանուկյանն իր աշխատասենյակում երեկ նույն կենտրոնի բժիշկ Վահագն Համբարձումյանի հետ ծեծկռտուքի ընթացքում կոտրել է բժշկի քիթը:

Պատճառն ըստ նախնական վարկածի այն է, որ բժշկի հորը տնօրենի պաշտոնակատարն աշխատանքից ազատել է, բժիշկը պարզաբանման համար մտել է տնօրենի մոտ եւ զրույցը վեճ է դարձել, հետո էլ` «բռնցքամարտիկ» տնօրենը կոտրել է բժշկի քիթը։ «Ժողովուրդ» օրաթերթին հայտնի դարձավ, որ երեկ նրան վիրահատել են։

Հետաքրքիր էր, որ քիթ կոտրելու տնօրենի քայլը երեկ ըստ էության, արդարացրեց ՀՀ առողջապահության նախարար Արսեն Թորոսյանը՝ ասելով. «Բուժաշխատողների կողմից ապօրինի գումարների «շորթումը» անընդունելի է եւ միշտ արժանանալու է նման խիստ արձագանքի… Նա ապօրինի 400.000 դրամ գումար էր վերցրել պացիենտի հարազատներից, իսկ դիմումից հետո հետ վերադարձրել այն»։