Search
Close this search box.

«Ժամանակ». Հիվանդ է ձևանում. Քոչարյանը դիմել է Իզմիրլյան ԲԿ-ի գլխավոր տնօրենին՝ իր համար բժշկական պատմություն հորինելու խնդրանքով

«Ժամանակ» թերթը գրում է. «Ռոբերտ Քոչարյանը ուզում է ամեն գնով վիրահատվել, որպեսզի հիմնավոր պատճառ ունենա հոկտեմբերի 7-ին սկսվող դատավարությունը հետաձգելու համար:

Մեր տեղեկություններով՝ Քոչարյանը դիմելով Իզմիրլյան բժշկական կենտրոն՝ բողոքել է, որ ինքը տառապում է գիշերամիզությամբ և շագանակագեղձի ադենոմա ունի, մի առողջական խնդիր, որն ունեն 50-ն անց գրեթե բոլոր տղամարդիկ, բայց որի համար վիրահատական միջամտության անհրաժեշտություն է առաջանում միայն ծայահեղ դեպքում, ինչը Քոչարյանի դեպքում բացակայում է: Մինչդեռ Քոչարյանը խնդրել է, որ Իզմիրլյանի գլխավոր տնօրեն Արմեն Չարչյանը իր համար նման բժշկական պատմություն հորինի և հիմնավորի վիրահատական միջամտության անհրաժեշտությունը:

Չարչյանը այս հարցով դիմել է Ամենայն հայոց կաթողիկոս Գարեգին Բ-ին, քանի որ բժշկական կենտրոնը գտնվում է Մայր Աթոռի տնօրինության տակ: Կաթողիկոսը հստակ հասկացրել է, որ ինքը ցանկություն չունի մասնակցելու նման կեղծարարությանը և նույնը խորհուրդ է տվել բժշկական կենտրոնի տնօրենին:

Ինչ վերաբերում է գիշերամիզությամբ տառապելու հետ կապված պատմությանը, սա ևս չանցնող տրյուկ է, քանի որ նման հիվանդությամբ տառապելու փաստացի ապացույցներ գոյություն չունեն: Այնպես որ, Քոչարյանը ստիպված է լինելու մասնակցել դատավարությանը և կրելու իր բաժին պատասխանատվությունը»:

Առավել մանրամասն՝ թերթի այսօրվա համարում: