Արթուր Ղազինյանը իր ֆեյսբուքյան էջում գրել է.
Հայաստանում խոսքի ազատութունը սահմանափակված է, իսկ հայկական մեդիա դաշտը դարձել է հասարակական կարծիքի մանիպուլացման գործիք:
Հայաստանի հասարակական-քաղաքական գործընթացների ակտիվ մասնակիցների համար գաղտնիք չէ, որ ամբողջ մեդիա դաշտը բաժանված է հիմնականում 2 ծայրահեղ բևեռի. իշխանական և ընդդիմադիր:
Իշխանական լրատվամիջոցներ են հանդիսանում Հանրային հեռուստաընկերությունը, «Ազատություն» ռադիոկայանը, «Շանթ» հեռուստաընկերությունը, «www.1in.am» և նման այլ միջին ու մանր այլ լրատվականներ, որոնք գործում են ինտերնետ տիրույթում:
Ֆեյսբուքյան տիրույթում դոմինանտ դիրքեր են հաստատել «հեղափոխական» խմբերն ու էջերը, որոնց օժանդակում ու հոսանքին լրացուցիչ էներգիա են հաղորդում մոտ 10.000 ֆեյք օգտատերերը: Հատուկ «հեղափոխության» նպատակով արևմտյան որոշ ֆոնդերի ֆինանսավորմամբ, բացվել են մոտ 20.000 կեղծ հաշիվներ, որոնք ատելություն, թշնամություն ու անհանդուրժողականություն են սերմանում սոց. ցանցերում:
Արմատական ընդդիմության լրատվամիջոցների համբավ ունեն TV5-ը, «Երկիր Մեդիա», «ԱրմՆյուզ» հեռուստաընկերությունները, և մի շարք ինտերնետ լրատվականներ:
Միայն այդ լրատվականների էջերին հայտնվելը բավական է «սև, հակահեղափոխական, car u naxandz, ռոբասերժական» որակվելու համար, դե իսկ եթե մի թեթև քննադատես իշխանությանը, ապա դա դառնում է հաստատված փաստ՝ անկախ մտքերի, գնահատականների և գաղափարների բնույթից, խորությունից և ճշմարտացիությունից:
Բաժանելով մեդիան 2 մասի, իշխանությունը իր համար անցանկալի ընդդիմախոսների առջև փակում է եթերը՝ հրահանգելով իր քարոզիչներին չհրավիրել նրանց եթերի և չտրամադրել խոսափող, նպատակ ունենալով արգելափակել տարբերվող և հակառակ կարծիքի ներկայացումը իրենց ենթակայության տակ գտնվող, նաև իմ, որպես հարկատու, կողմից ֆինանսավորվող հեռուստաընկերության եթերում:
Արդյուքում, իշխանության պաշտոնական գծից շեղվող ցանկացած խոսք հայտնվում է նախկին իշխանություններին պատկանող հեռուստաընկերությունների եթերում՝ դրանից բխող բոլոր հետևանքներով: Որպես այդպիսի հետևանք, հանրության լայն զանգվածներին այդ ընդդիմադիր գործիչները ներկայացվում են որպես նախկին իշխանության պաշտպաններ և աջակիցներ:
Նույնիսկ եթե իշխանական լրատուները ընդդիմությանը հրավիրում են եթերի, ապա դա կազմակերպում են այնպես, որ քեզ ներկայացնեն որպես նախկինների, մասնավորապես Ռ. Քոչարյանի պաշտպան և աջակից:
Դե իսկ ֆեյսբուքյան ֆեյքերի «պիցցաներով շները» կազմ ու պատրաստ են հարձակվելու և արհեստական ստեղծած տպավորությունը հաստատելու համար:
Սա շատ վտանգավոր մեթոդ է, քանի որ քաղաքական դաշտը տանում է դեպի ծայրահեղ բևեռացման՝ ատլելության ու թշնամանքի անթույլատրելի դոզայով:
Առաջիկայում կներկայացնեմ մեդիա մանիպուլյացիայի մեկ ցայտուն օրինակ, որ պատահել է անձամբ ինձ հետ և դուք, հուսով եմ, կհասկանաք, թե ում միջոցներով և հրահանգով, և ամենակարևորը, ինչ նպատակով է տարածվում թշնամությունն ու ատելությունը Հայաստանում:
Առաջարկում եմ սա պայմանական անվանենք Մեդիա լյուստրացիա:
