Օգոստոսի 7-ին անգիտակից վիճակում Չարենցավանի հիվանդանոց է տեղափոխվել 33-ամյա մի կին, որը Կոտայքի մարզի բնակիչ է։ Sputnik Արմենիայի տվյալներով՝ նրա մոտ ախտորոշվել է դեղորայքային թունավորում։
Պարզվել է, որ նա բազմաթիվ դեղահաբեր է խմել՝ կյանքին վերջ տալու նպատակով։ Հաբերն ընդունելուց հետո նա դուրս է եկել տնից, իսկ փողոցում ինքնազգացողությունը վատացել է։ Անցորդներից մեկն էլ ահազանգել է շտապօգնություն։ Ըստ որոշ լուրերի՝ կնոջ մոտ երկտող է գտնվել, որտեղ գրված է եղել. «Մահվանս մեջ ոչ մեկի չմեղադրել»։
Կայքի տեղեկություններով՝ կինն ընտանեկան խնդիրներ ունի, նա երկու անչափահաս երեխաների մայր է։
