«Հրապարակ» թերթը գրում է. «Իշխանական մեր աղբյուրների տեղեկացմամբ՝ Արարատ Միրզոյանը, Սասուն Միքայելյանը չեն մասնակցում խմբակցության նիստերին։ Ասում են՝ խմբակցության ոչ կառուցողական քննարկումներն ազդում են նրանց նյարդերի վրա։ «Ո՞վ ասաց՝ չեն մասնակցում»,- մեր հարցին հարցով պատասխանեց Հակոբ Սիմիդյանը։ Մե՛նք ենք տեսնում։ «Դուք սխալ եք տեսնում»,- վստահաբար պնդեց նա։
Ի դեպ, իշխող խմբակցությունում արմատավորված ավանդույթները նույնպես ազդում են որոշ պատգամավորների վրա, մասնավորապես՝ ամենամսյա դրամահավաքությունը․ ամեն ամիս յուրաքանչյուր պատգամավոր 5000 դրամ է մուծում խմբակցության ֆոնդին՝ տեղ գնալու, հաշիվ փակելու համար նախատեսվող ծախս անելու համար։
Պատգամավոր Վահագն Հովակիմյանը զարմացավ․ «Ի՞նչ վատ բան կա դրա մեջ։ Մենք օլիգարխներ չունենք, որ հովանավորեն, ինքներս ենք հոգում ծախսերը»»։
Առավել մանրամասն՝ թերթի այսօրվա համարում:
