«Դատական համակարգի որոշումները խորապես անվստահելի են հանրության համար ու սա ասում եմ ոչ միայն որպես վարչապետ, այլ ՀՀ ժողովրդի ներկայացուցիչ, ով ունի քաղաքական իրավունք՝ խոսել ժողովրդի անունից»,- ասաց Նիկոլ Փաշինյանը՝ դատական համակարգի վերաբերյալ իր ելույթում: «ՀՀ ժողովուրդը դատական իշխանությունն ընկալում է որպես նախկին կոռումպացված համակարգի մնացուկ, որտեղ անընդհատ դավադրություններ են իրագործվում ժողովրդի դեմ: Որքանով է սա հիմնավորված՝ բոլորովին ուրիշ խնդրր է, բայց որ չունի ժողովրդի վստահությունը, նշանակում է՝ չունի գործելու բավարար լեգիտիմություն և որը սպառնալիք է երկրի բնականոն կյանքին, կայությանն ու անվտանգությանը: Վարչապետ ընտրվելու առաջին օրվանից պարտավորվել եմ որևէ միջամտություն չունենալ, բայց ցավոք չեմ կարող երաշխավորել, որ համակարգը չի ենթարկվում ստվերային ազդեցությունների՝ նախկին կոռումպացված համակարգի կողմից»:
Փաշինյանը նշեց, որ հույս ուներ, թե բազմաթիվ դատավորներ, հասկանալով, որ իրենց գործունեությունը և արժեհամակարգըը անհամապատասխան են նոր Հայաստանի ձգտումներին, կհրաժարվեն դատավորի կարգավիճակից. «Նման բան, սակայն, տեղի չունեցավ ու դատական համակարգի վստահությանն արժանանալու հնարավորությունը համարում եմ սպառված: Եկել է դատական համակարգում վիրահատական միջամտություններ անելու ժամանակը. պետք է հանրությանը տեղեկատվություն ունենա նրանց քաղաքական կապերի, ծագումնաբանության, գործունեության և այլ հատկանիշների մասին: Երկորդ՝ ՄԻԵԴ-ի որոշումներով հաստատված քաղաքացիների իրավունքների կոպիտ խախտումների հեղիանակ դատավորները պետք է հեռանան կամ հեռացվեն պաշտոններից: Երրորդ, նրանք, ովքեր իրենց ներսում գիտեն, որ չեն կարող անաչառ լինել, հրաժարական պետք է տան»:
Փաշինյանն անդրադարձավ նաև անցումային արդարադաության մեխանիզմների ներդրմանը: