Հայաստանի ազատ ոճի ըմբիշ Արսեն Հարությունյանը առաջին ոսկե մեդալը նվաճեց Բուխարեստում ընթացող ըմբշամարտի Եվրոպայի առաջնությունում:
Մեր 61 կգ քաշային մարզիկը եզրափակիչում կամային հաղթանակ տարավ Վրաստանը ներկայացնող Բեկա Լոմտաձեի նկատմամբ՝ 17:11, քանի որ մենամարտի սկզբում պարտվում էր 0:8 հաշվով:
Այդպիսով, Հայաստանի ազատ ոճի հավաքականը ընդամենը մեկ, բայց ամենաբարձր կարգի մեդալ նվաճեց Բուխարեստում:
Հավելենք, որ ապրիլի 12-ից պայքարի մեջ կմտնեն արդեն մեր հունահռոեմական ոճի ըմբիշները:
