Search
Close this search box.

Դադարեցնել քրեական հետապնդումը. Երանոսյանի պաշտպանը բողոք է ներկայացրել Դատախազություն

ՀՀ նախկին փոխոստիկանապետ, ոստիկանության զորքերի նախկին հրամանատար Լեւոն Երանոսյանի պաշտպանական կողմը պահանջում է հարցաքննել բարձրաստիճան պաշտոնատար անձանց եւ քննիչի կողմից իրենց միջնորդությունը մերժելու որոշման դեմ բողոք է ներկայացրել դատախազին։ Այս մասին «Փաստինֆո»-ն տեղեկացավ Երանոսյանի պաշտպան Տիգրան Սաֆարյանից։

Նրա խոսքով՝ իրենք միջնորդություն էին ներկայացրել մի քանի պահանջով. «Առաջին պահանջը քրեական հետապնդումը դադարեցնելն ու մեղադրանքը վերացնելն էր, երկրորդը՝ Նիկոլ Փաշինյանին եւ Վալերի Օսիպյանին հարցաքննելը. նրանք այդ օրը՝ այդ իրադարձությունների ժամանակ, առանցքային դերակատարում ունեին։ Եվ երրորդ պահաջն այն էր, որ չշտապեին գործը միայն Երանոսյանի մասով դատարան ուղարկել, այլ գնահատական տային ընդհանուր իրադարձություններին, մասնավորապես՝ ցուցարարների կողմից ոստիկանների նկատմամբ բռնություն գործադրելու դեպքերին եւ ոստիկանության մյուս ծառայողների կողմից հատուկ միջոցների կիրառմանը»։

Տիգրան Սաֆարյանի փոխանցմամբ՝ նշված որոշումը բողոքարկել են ուրբաթ օրը՝ մարտի 15-ին։ Պատասխան դեռ չունեն. «Ակնկալում ենք հիմնավոր որոշում, բայց տեսնենք՝ ինչ կստանանք»։

Ավելին՝ սկզբնաղբյուրում