Արարատի մարզի Ավշար գյուղի միջնակարգ դպրոցում արդեն 6-րդ օրն է, ինչ չեն դադարում դասադուլն ու գործադուլը: Երևանի ավագանու նախկին անդամ Սոնա Աղեկյանը հայտնում է, որ Ավշարի դպրոցի տնօրենը ոստիկանների միջնորդությամբ է դպրոց գալիս:
Հիշեցնենք, որ արդեն մեկ շաբաթ է՝ Ավշար գյուղի դպրոցում շարունակվում է դասադուլն ու գործադուլը։ Ուսուցիչները, ծնողներն ու աշակերտները պահանջում են նոր տնօրենի հրաժարականը՝ պնդելով, որ նա դպրոցի փոխտնօրենին առանց պատճառի աշխատանքից ազատելու պահանջ է ներկայացրել, որպեսզի այդ պաշտոնում Արարատի մարզպետի մորաքրոջ հարսին նշանակի:
