ՀՀ ԱԺ նախկին պատգամավոր, ներկայումս մեղադրյալ Մանվել Գրիգորյանի հայցադիմումն ընդդեմ Սիլվա Համբարձումյանի դատարանը վարույթ չի ընդունել։, տեղեկացնում է «Դատալեքս» դատական-տեղեկատվական համակարգից։ Դատարանը որոշել է վերադարձնել հայցադիմումը՝ նշելով, որ հայցվորի կողմից չի ներկայացվել օրենքով սահմանված կարգով և չափով պետական տուրքի վճարումը հավաստող փաստաթուղթ։
Հիշեցնենք, որ այս գործով հայցվորը խնդրել է պարտավորեցնել պատասխանող Սիլվա Հարությունի Համբարձումյանին հրապարակայնորեն ներողություն խնդրել Արցախի հերոս, գեներալ-լեյտենանտ Մանվել Սեկտորի Գրիգորյանից վիրավորանքի համար, ինչպես նաեւ՝ պարտավորեցնել պատասխանող կողմին hraparak.am կայքի միջոցով տարածել հրապարակային հերքում զրպարտության վերաբերյալ: Այսինքն՝ ներկայացվել են մեկից ավելի պահանջներ, բայց վճարվել է 4.000 ՀՀ դրամ պետական տուրք դրանցից միայն մեկի համար։
