Վաղ առավոտից կանգառներում սպասող քաղաքացիները անելանելի վիճակում էին հայտնվել: Պարզվում է՝ «Երևան ավտոբուս» ՓԲԸ վարորդները գործադուլ են իրականացնում` հրաժարվելով երթուղի դուրս գալ: Նրանք պահանջում են նորանշանակ տնօրենի հրաժարականը:
Տեղեկացնենք, որ ժամը 9:30-ի դրությամբ վարորդները դուրս են եկել աշխատանքի՝ պայմանով, որ առաջիկա ժամերի ընթացքում իրենց խնդրին լուծում կտրվի:
Նշենք, որ վերոնշյալ ընկերությանն են պատկանում չինական մանուշակագույն ավտոբուսները:
