Ցմահ դատապարտված Մհեր Ենոքյանի կինը՝ Զարուհի Մեջլումյանը ֆեյսբուքյան իր էջում գրել է.
«Հիշեցում՝ տուժողների իրավունքների սելեկտիվ պաշտպաններին
Սուրիկ Խաչատրյանի եղբորորդի Մայիս Խաչատրյանը 2004-ի փետրվարի 29-ին դաժանաբար, դանակի բազմակի հարվածներով սպանել էր Գորիսի բնակիչ, երեք անչափահասների հայր Հովհաննես Բադալյանին՝ մուտքում իր ուսին դիպչելու համարձակության համար: Սակայն նա դատապարտվել էր ազատազրկման 12 տարի ժամկետով, իսկ ընդամենը 6 տարի անց՝ 2010-ին Սերժ Սարգսյանը նրան ներում էր շնորհել: Հովհաննես Բադալյանն ու իր անհայր մնացած երեխաները տուժողներ չեն ֆեյսբուքյան պաշտպանիկների համար: Այդ երեխաների հետ իհարկե չի ցանկանա ծանոթանալ նայած ում իրավունքների պաշտպանը կամ պաշտպանները: Նրանք հզոր հովանավորյալներ չունեին, որ հրապարակներում ցույցեր անեին…ի դեպ, Մայիս Խաչատրյանը Գորիսի բանտում խոսել էր Մհերի հետ ու ասել, որ ինքը Լիսկայի եղբոր տղան է, որ շուտով դուրս կգա բանտից»: