Ռուսաստանի առաջին ռակետ Կարեն Խաչանովը հաղթահարեց թենիսի Ավստրալիայի բաց առաջնության երկրորդ փուլը եւ մտավ 1/16 եզրափակիչ:
Այսօր նա վստահ հաղթանակ տոնեց ճապոնացի Յոսիհիտո Նիսիոկիի նկատմամբ՝ 6:3, 6:3, 6:3: Հանդիպումը տեւեց 2 ժամ 4 րոպե: Հայազգի թենիսիստը 16 էյս (արդյունավետ մատուցում) կատարեց եւ վաստակեց 7 բրեյք-փոյնթ (վճռորոշ միավորի վաստակում մրցակցի մատուցման ժամանակ):
Կարեն Խաչանովը 1/16 եզրափակիչում կհանդիպի Ռոբերտո Բաուտիստա-Ագուտ (Իսպանիա) – Ջոն Միլման (Ավստրալիա) զույգի հաղթողի հետ:
