«Այսօր 12:00-ին Էջմիածնի հրապարակից ավտոերթով կշարժվենք դեպի Երևան: Այսօր 13:00-ին Երևանում կկայանա հանցագործ Մանվել Գրիգորյանի դատավարությունը՝ խափանման միջոցը փոխելու նպատակով: Հուսով ենք, որ այսօր հաղթելու ենք և մեր հաղթանակը հասցնելու ենք վերջնական կետին, վստահ եմ դրանում»,- ֆեյսբուքյան ուղիղ հեռարձակման միջոցով ասել է Մանվել Գրիգորյանի կալանավորման պահանջով ակցիայի կազմակերպիչներից Ջիվան Աբրահամյանը:
Հիշեցնենք, որ արդեն մի քանի օր է, ինչ Էջմիածնում շարունակվում են բողոքի ակցիաները: Մանվել Գրիգորյանի խափանման միջոցը փոխելու դեմ պայքարողները մի քանի ժամ փակել էին Երևան-Էջմիածին մայրուղին:
